اكطاع بين محمدن ول هدار ولكويري

محمدن

عندك دراع من بلمـان=زين ذاك العهد ال كـان

دراعت مسلين ال بـان=منه زين اتغرب مشهور

نشهد عن ذ لبست بظان=غير الترك لكحل شيدور?

لكوير:

كلـت أن عـنـد دراع=بلمان ءعنـد ذ السـاع

دراعت مسلين اجمـاع=و الترك ذ مـاه منكـور

بلمـان إدفيـن ســاع=ومسلين امل تلعـب دور

فالبـرد ءتـارك لـذاع=فالترك غير انت بشـور

عنـدك دراع زاد انــت=دخن وابتركيك المطيـور

اصفر يغير اصفـر حـت=هاذ ما كان اصلا مشكور

محمدن : 

لـولال عتيـد ءرقـيـب=ءكثرت لكمش في والشيب

ءكون الكذب اعل مثل عيب=يسو بالكـذب ال مديـور

نشهد عن ذ لبست شبيـب=يعمله كاع اشهـادت زور

لكوير :

شاهد ل هذا امنادم بعد=اشهاد وءان مانحسـد

عن ذ لبس زين فا بلد=وانيان شبيب ابلا صور

ال ذ حال اشهادت حـد=لا محمود ولا ماجـور