رمضان كريم

بسم الله الرحمن الرحيم و صلى الله على نبيه الكريم  

رمضان كريم 2012وكل عام والأمة الإسلاميه بخيربمناسبة حلول شهر رمضان  مدونة بيرهم تهنئ جميع المسلمين فى كل مكان وتتمنى لكم صوما مقبولا

الأديب الولي ولد الشيخ سعد بوه:

هاَذَ السَّاحلْ نبْغِيـهْ     واعْليَّ لمْغَلِّيــهْ مَانِ متْغَشْمِ فِيــهْ     لمْغَلِّيهْ اعْلـــيَّ لگْوَيْسِ ننْظرْ فِيـهْ    عَنْدِ يَا حَسْبـــيَّ والنَّدْوَ كلْ اصْبَـاحْ     تَـصْبَحْ فِيهْ اعْليَّ واتْجِينِ فِيهْ السَّاحْـ   ـليَّ كـلْ اعشْـيَّ

طلعة للأديب باركلل ولد عبد الملك

facebook.com

 امْكَدَرْ عتْ ؤ عتْ مــادْ     يانَ لبْلِيسْ ابْلا اعْنادْ

  الركْبَ مانكْ تَيْتْ كْتـادْ     الْدِنِيتَكْ تِتْحــانَ

  وآخَرْتَكْ مـا كْدَيْتْ زادْ     الْهَ يَانَ تَتْفــانَ

  غيرْ التخمامْ افذيكْ عادْ     وُ افْذيكْ الَلا لِهانَ

  يانَ.. وُتْوَكَلْ خَيرْ فيـكْ     وُعْلَ مُلانَ يـانَ

  ديرْ انْتَ ذِيكْ ؤ ديرْ ذِيكْ    أُتَوْفْ أعْلَ مُـلانَ
وله أيضا

كَالتْلًِ كَزانَ فالـردْ      عن لاهِ نَجْبرْ فبلـدْ ذِلَِّ منهَ ممكونْ أجَدْ     ذاكْ اعليانَ بِيــانَ لفْسيدْ ولْطاتْ اتْوَلدْ     لحلافْ أُتطْرحْ لكَزانَ وأتْكلمهَ طيتُ فَشَـدْ    الطربْ أخْلاكِ فرْحانَ يَغيرْ امْنَيْنْ انْوَلِ بعدْ     للحكَ آن والكَـزانَ لاهِ تَعْرَفْ ذِلِ ممكونْ   منْهَ والكَـزانَ وانَ عنْ مالاهِ يخْلكْ يكونْ   ذاكْ الِ رايدْ مُـلانَ

لأديب محمد عبد الله ولد عمارو

امنينْ اللِي نجــبرْ     مجحودي ما نحصرْ

نزيانْ أُ نسْتبــشرْ     دخلي وانعودْ اطفلْ

لوني معجونْ أصفرْ     فاخظرْ هاكْ امنَيَّلْ

أُمن كنت انعودْ اكصرْ  كَرَّ، وانعود أطولْ

قامَه، وانعود أصبرْ    من كنتْ أُو نتْمَوَلْ

وامنينْ الْ يتْحــدْ    عني مــا يُسولْ

انولِّ محمـــــدْ    عــبد الله لوَّل!!

الأديب محمد ولد باگا

هاذِ ظركْ الحملَه سنتاتْ    إلْهَ يمْ أسبوعين أُعاتْ

لاهِ توفَ سـابكً مَفاتْ     انتهاتْ ءُعادت خيالْ

فالخيالْ أُرَدْ ارويــاتْ    فالتاريخ أُهوّ اسْمُ كًالْ

وُوفَ هاذَ عند كلماتْ      اشويْ.. الاّ كلماتْ اگلالْ

اسمعتْ التشمارْ اجحدتُ    واسمعتْ التژماگ انْكرتُ

واسمعتْ التجفارْ استرتُ    واسمعتْ اصّ باطْ التشلالْ

سحفيتْ الْجــابُ سكَّتُّ     كسّحتُ وانهيتُ مزالْ

افَّمُّ- شــــكِّ- كلمتُ    كلْماتِ: عن ذَ ماهُ دالْ

اعلَ شِ، شِ كافيه الزرگ   الاّ كافيه الزرگ الدگ

فْولدادمْ خاسر والحـگ     ما ينگالْ أذَ ماينگالْ

ءُلمورْ امّلِّ تُـــلبگ    واشبه تُلبّگ من تثقال

لا تثقالْ أُلا يتــــعدَّ      حدْ اعْلَ حدْ أُلا تطوالْ

الزلَّ حدْ اختــــرْ مَدَّ     عنْ مدَّ ما يٌسمَّ زالْ

مرثية عز الدين لأحمد ولد عبدالله

فاتتْ بمفقده مناقب جــــــمةٌ   و شمائلٌ في الناس قـلَّ مثالُها
أقوالُ سنة أحمدٍ أقوالــــــــه   و فِعالهُ -عند الفعال- فِعالُها
فلسوف تذكره البلاد جنوبُها   و لسوف تذكرها البلاد شَمالُها
و لسوف تندُبه العشيرة كُلها   أطفالها و نساؤها و رجالها
و لسوف تبقي فتيةٌ من بعده    هُمْ للعشيرة حُسنها و جمالُها ...

 

أمحمد ولد أحمد يور

 حد ابغان نرع لمكـــاد    افبغي وانزوز المعتــــاد

أحد اكرهن من نبعاد      اعل حاله ماه غجــــــــر

ونواس لمــواسين زاد    ريحت حجر ريحت حجر

وله أيضا

يعكل هذ انَزاه       لُعِتْ التختير إتــــراهَ

هذ لِعْكَيْلَ فدفَاهَ      وادْ إِوْرَيْزِكْ هذ فِكْـرَ

ءُذِ تِنْبُقْرَ لاإلاهَ      إلاٌَ الله إِلَُ تِنْبُقْــــــــرَ

اعْلاَشْ انْعُودْ افْـمَوْضَعْ كَادْ    فِيــهْ إِجِينِ زرْكْ التّفْكَادْ

واعْلاَشْ انْرَ دَارْ الْعَـــرَّادْ    يَامسْ فَوْكْ السَّبْخَ واعْلاَشْ

إِرَكَّبْلِ بِيرْ الْجَــــــوَّادْ    الْيُومْ أُ بِيـرْ أَرَاشْ أَرَاشْ

واعْلاَشْ امَّلِّ ذُ لَـــــيَّامْ    أَيَّامْ الْكَتْمَ وَ رَشْـــرَاشْ

نشَّوْشْ سَاحـلْ تنْدَكْعَامْ     وَانَ مَانِ حجْ التّشْــوَاشْ

كالحمد ألِّ بعد البست	دخان يالريم وعت
كيف الخباط واظحكت	قصدك لذاك انموت آن
غير اص كاع اشعدلت	باللبس ذي والدخان
ذالِّ عدلت يالفجل	واكتلت بيه عجلان
ورافدت روح اتخلت اعل	ملان مسلم ملان
نعرف ليله فاكرين	أفرنان ألِّ بين
دكينات الثنتــتين	بت ألا نتنيمش
فابريك اعمش وامنين	انكول اطمص يرمش
من كبل جات اكبال	ارويح نشت نش
فكدن باربك فال	واحسي أهل لامنش