أحمد ســــــــــــــــــــــــــــــــــالم ولد الداهــــــــــــــــــــــــــــــى

قال لمرابط ولد دياه:

أوف من شد أخبار الطب == و امن الفحوص أ لبا ر
و أوف من ذاك اشراب الحب == مرحبت بيك أ ج بار

بركت بوك أجدك من بوك == وأخوالك و ابن عمك ذوك
وأخوتك ذوك أل يبغوك == لا ريت افمشيتك طار
كون اتج بار وانشوفوك == احمدن للبار بار

وقال أحمدو سالم بن الداهي:

محمد لمرابط دواك == لمرابط ذ ال كال ادواك
وادو ذاك أل فم امعاك == لمرابط بدواك اخبار
داو ولايت باستشفاك == للصغار والكبار
و أَمَّنَّ لاستشفاك أياك == إكوم المرض متبار
وانشدن بيت العرب ذاك == وياتيك بالاخبار

أوف من شد أخبار الطب == و امن الفحوص أ لبا ر
و أوف من ذاك اشراب الحب == مرحبت بيك أ ج بار

وقال عبد الله السالم بن المعلى:

ذ ال كال أحمَدُّ سالم == عن لمرابط ماه ظالم
فيه أعبد الله السالم == بيه ال فالكوم أخبار
عمل اعل انك بار عالم == عن ما خالك كون البار
أ حاز السبق افذاك ألا لمـ == ـرابط ما عند مبار
وامع ان ماه مسالم == داير فالراو تغبار
غير انت بعد أرجع سالم == ناجح نجاح اعتبار

أوف من شد أخبار الطب == و امن الفحوص أ لبا ر
و أوف من ذاك اشراب الحب == مرحبت بيك أ ج 

لِمْرَابِطْ وَاحْمَدُّ كَدُّ == سَالِمْ ذَ المَجَالْ إِ حِدُّ
بالرَّاوِ ليْن ابْلَغْ حَدُّ == وامْقَدَّمْ فِيهْ اعْتِذَارِ
أُ مُحمَّدْ عَالِ مِنْ كَدُّ == حَدُّ حَدْ آنُ لُ دَارِ
أُ كيفتْهُمْ مِنْ كَدُّ حَدُّ == عبْد اللهْ السالمْ عَارِ
َبعْدْ ألَّ لَبْوَابْ انْسَدُّ == أُ عَارِ يَالعِذْرْ ألَّ وَارِ
مَا فِيهْ ابْلَدْ يَسْوَ كِدُّ == لِمْغَنِّ وَاشْكَال إِدَارِ
غيْر اصَّ لَمْرُ أشَدُّ == مَا يَنْفَعْ فِيهْ اعْتِذَارِِ
أ يِمْرِكْ حَدْ الرَّاوِ حَدُّ == فِيهْ إِتَمْ ألاَّ مِجَّارِ
أ يِدْعِ كِيفِتْ كَوْمْ انْعَدُّ == أ ذَ مَانِ عَنُّ مُدَارِ
بالسِّرْ ألِّ صَايِبْ مَدُّ == فِيكُمْ وَ ألِّ فِيكُمْ سَارِ
مِنْ لَشْيَاخْ أَصْرَاعْ امْتَدُّ == أ فِجْدُودْ امْتَدُّ و اذْرَارِ
تبَارَكَ اللهْ الْحَمْدُ == فَاعِلٌ بِالاخْتِيَارِ
كِيفْ الشَّمْسْ أنْوَارُ يِكْدُ == فِي رَابِعَةِ النَّهَارِ
وِإِرَبُّ ذَ الْخَلْقْ أُ يِهْدُ == عَلَى سَنَنِ المُخْتَارِ
كِلْ أَمْنَادِمْ بَاذِلْ جِهْدُ == مِنْكُمْ فِيتَمْ أَلاَّ جَارِ
فِيكُمْ كِلْ انْهَارْ إِجَدُّ == مَاشِ فِيهْ أَعْلَ لَثَارِ
أُ ذَ السِّرْ ادْوَ يِبْرِ وَحْدُ == أ جِينَ بَارِ ظَرْكْ أُ ثَارِ

و أوف من شد أخبار الطب == و امن الفحوص أ لبار
و أوف من ذاك اشراب الحب == مرحبت بيك أ ج بار

يا ربِّ صاحبْ ذَ الديوانْ == اعْبَيْدْ الرحمان الرحيمْ
ٱختَمْ ذ الديوان ابكولانْ ==ْأستغفر الله العظيمْ!

يـَ عگلِ لا تمْ الگْواد --- إگودك والصواگ إصوگْ

إيل ژوك إكدْ افطن زادْ --- ايگودك واصُوگك عن زوگ

زوگْ أرانك ما كنت اتجيهْ --- ؤجَيْتُ ودَوْگجْ ما لك بيهْ

لعْدْ أُ جَيْتُ وألا هنـّيهْ --- واصبر ذ ماهْ ابش ملصوگ

إيلا تمّيت انتَ بَديهْ --- من فگدك لاتـْـرابك مَحْزوگ

ذاكْ اشغادِ لدوگجْ فيهْ --- أثرُ واشغادِ فيهْ الزوگْ,

امْجيَّ للكَوْصْ اطْرَالِ --- عَنُّ عَادْ اعْليَّ غَالِ

وَانَ الَّ مَانِ متْوَالِ --- والْكَوْصْ امَّلِّ بالْخُصُوصْ

ذَ الِّ عَنْدُ مَاهُ فَالِ --- مَاشفْتُ عَنْدُ كُونْ الْكَوْصْ

أُ نَعْرَفْ عَنِّ لُكنْتْ الِّ --- دَهْرِ عَنْدُ دَهْرْ اللُّصُوصْ

وَللَّ دَهْرْ الْحَوْصْ امَّلِّ --- مَا نسْلكْ منْ نَگْلَعْ وانْحُوصْ

=========

في رثاء المرحوم محمد ولد اباه:

يَ مُكّيش آن بالتغريش --- شفتك في السغرْ ءُ فاتفڭريش

وانشوف من ابروڭك لعميش --- وإلا رڭب نوك نڭعد

ولاّ رايمْ ل عدت إعريش --- اغراب من الليعه والوجد

وامڭررْ في يَـمكيش --- عنك بالعراد اتفڭد

غير آن ڭاع أصل فڭاد --- ألا نتفڭد نتفڭد

مان ناس ش والعراد --- ايفڭد بيه كل ابلد

عيدك يمريم ماه فاش --- واتگد زاد ءُ عندك باش

حصرولك فرگان واحراش --- فيه الفيش أجيتيه انتِ

واكتلْ لعلياتْ التخواش --- منكْ واسكت واسكنت

ءُ عدت باش اجتمعولكْ باش --- إزينت فالعين ءُ بنتِ

يمريم ما شطنك لگباح --- انت گاع امريم كنتِ

وامنين اخلگ لگباح أباح --- مَعادْ امريم كون انتِ

عِيدكْ ذَ الِّ جَيْتِيهْ بِيهْ --- شِ مَاهُ هُوَّ مَا ايْجِيهْ

يَ عَيْشَةُ درْتِي اعْلِيهْ --- اجّهْدْ إِلَيْنْ ابْكَالكْ

والِّ يگْدرْ ينْشَالْ فِيهْ --- شلْتِيهْ أُ هُوَّ شَالكْ

وانْگُولْ الْحَگْ انْشَاللَّ --- ذَ الْعِيدْ إِبَانْ ابْگالكْ

وانْتِ للعِيدْ أُ يَاللَّ --- عِيدكْ ذَ يُخَلاَّلكْ

فطرك يمريم كيف أفطار --- أصحابْ الجلالَ لكبار

اخلطتِي لحمارْ ابلخظار --- والمعنَ هوّ والنصرَ

جيتِ ل اللامَه لصفرار --- والحگتِ گدامك حصرَ

واكصرتِ لين ا گدات النار --- فالحصرَ ماخلگت حصرَ

والفطرْ الزين ابگيتي بيه --- افنصرَ تعگبها نصرَ

وامتن ثورتْ جمالك فيه --- من ثورة جمالْ افمصرَ

=========

يَ امريم منت اباه طيت --- اغنايَ لك و إلّي ابغيت

انتِ، بيّ انتِ مااتليت --- الناثِ عندي ناثِ

ويلَ ريتك راني اسعيت --- و اعلَ أثر الناثي حاثِ

ويلَ ماريتك ذاك هون --- اعليانَ و الناثي

عدوانْ ءُلاهُ جايْ دون --- العدوان الثلاثي

=========

كُوللْهُـــم لَــعقْــدُ جَــلْـسَ == عن لَعْبَــيْدْ اترابُ سَــــالـــتْ

وانْهَ زيْــنَ وانْــهَ مَــــــلْـسَ == وانْــهَ شرْكْ التَّــــــــاكِلاَ لـتْ

من عند أحمدْ طنوينْ جــاوْ أعلَ أيدْ الشيخْ ؤ لا بْطاوْ

ما خلكتْ فيـهــم ساوْ ســاوْ وابـــلا فـــظـَّ مـــدْفـــوعَ

إعرفْ لبكرْ عـن ما تـْـلاوْ أعليـــهْ أهلُ مــخـــلــوعَ

واعــــرفت آن بل اصبــرْ والكرمْ افذِ المــجْـــمـوعَ

ؤعرفتْ ركـَّلْ عن تنـْجبرْ ركـَّــلْ مـــاهِ مبــيـــــوعَ

+++++++++++++

قال مخاطبا لعْويْجَه:

يلَعويجه ذامن آمبايْ --- ذالعام اكثرتْ ذاوْخايْ

اوعر اتورس لليبغايـ --- ــتوشركك هاذ طارِ

الاهوشاطنِّ ورتخايْ --- الَ نعطيكْ اخبارِ

والليلِ بيكْ الَّا الخيرْ --- شركك دارْ امن ايارِ

عوامْ انغمسْ وامنيرْ --- واحذايَ حوظْ امكارِ

فردت لعويجَه:

ياحمدوسالم لاتليتْ --- اتخصرْ لغنَ لابغيتْ

انت مهلَّ مانسيتْ --- زين اعيادِ وافطارِ

واغناك الزين الليسميت --- فيه ابياظِ واخظارِ

والشيعت الى فوك جيت --- انظراتِ وانظارِ

ظرك انت منِّ لاوفيت --- اعَتْ اعلَ شركْ اتشارِ

شينَ عندِ واسكت غيرْ --- مَسَاقَط ْعنكْ عارِ

والليلِ بيكْ الَّا الخير --- هاذ زاد انتّ طارِ

==========

گَط الگيْتكْ عَامْ لوَّلْ--- واعليَّ ملگاكْ هَـوَّلْ

واعزمْتْ انِّ ما انـْـطوّلْ --- يـَـكانِ نلگـَـاكْ

مَـلگَ مَاهُ ذاك لوّلْ --- واعْگبْ ذاكْ امْعَاكْ

اغلبْنِ وَ لاَّ انـْـسَوّلْ --- شنـْـهُ مَعْنَ ذاكْ

انتِ ذِ الْ نـَـلگاكْ مَرَّ--- أُ مَرَّ ما نلگاكْ

يَـ عيشة منت قرَّ --- شنـْـهُ مَعْن ذاكْ؟.

=========

لحبوس تعالي جايّ --- اعطيني كريَ معلومَ

ذانَ حاجملك يايّ --- كانت ماه محجومَ

ابجاو ماش منْويْش --- الظهر اروح احواش 

لعويج لمراح تيش --- طيات اهل الخـراش

امريم منت اباه جات --- لعليات احذيـانَ

كامت تظحك مودعات --- لعليات المـلانَ

اوعيت اليوم ام اصبـاح --- اعلَ بيتْ المنـينَه 

و ؤعيت اعل لحبوس ظاحْ --- ك ظحك ماه شينَه

المختار ولد عابدين يوصى أبنه محــــــــــــمد

يامحمد نختير انوصــــيك       واسمع لوصايه يامحمد  لاتستهون ش شين اعليك      وافطن لخبار الا ترتـــد لاترض يمحمد مقـــــــــام      صغير ولا تجهل لحكام واكرا لحكام على تسكـــام      والى عت امجمع فبلــد لاتعتاب وكلل لكـــــــــلام       واحذر لاتكعد فوجه حد والى عت ابجاهك هنيـــــه     وانعت كاع انك مانك بيه والى عت ابعلمك واسيـــــه   يمحمد للواحد الاحـــــد ول من حد ابغاك ابغيـــــــه   اسو كرب واسو بعـــد  واصل العار اتفو بيه اخطيه    العار اخبارو ما تشتــد وامنين اتواسيه الخاطيـــــه    امركت اخبارك يمحمـد وجمع امجمع كبلك جوليــــه    يارجع نختيرك تتحيــد كون الى عت امنين اتجيـــه   اعود امن اخيام اهل احمد لا تتواضع لاهل التطراك       فى المال اتواضع للخلاك اكبرت انت مانك مشتاك       الحمد لله اتفــــــــــــــكد  واعط واخلاكك لاتظياك       واعكد فمنين اسو تعكـــد جهل اللغة يمحمد شيــــن     وجهل النحو الا ماهو زين واكرا لحكام وفرض العين     واللي يمحمد ما وحــــــد ذاك الخير اعود ابلا دين      واحذرلا تطرح يمحـــــمد عن ذاكامل ماهو هييــــن     هذا هيين الى را حـــــــــد